Le premier amour

كاينها الذاكرة, ذاكرة حب (جسد على الأرض في أحضان أريج ...) هو وهي. يتقاربوا يتلامسوا, يتحاسوا يتعرفوا على عضهم يتحاضنوا يتقابلوا يتعاندوا يتحابوا يتبادلوا بالقبل. ترقد على صدر يرقد هو على راسها يعانقها يسري دم في بدنها يسري دمها في بدن. ذاكرة مرّة (جسد يجعجع وأريج تحاول تهديه) و التصاور اللي في مخّ تتواصل هو وهي يتباعدوا يعاركوا يتضاربوا يتعانقوا سحابة غمتهم عاصفة ضربتهم كلام جرحهم يتشابكوا يتشبثوا ببعضهم، كل واحد يحب الثاني يتراقصوا يظهروا قدّاموا رقصتهم فيها حب وكره عنف وحنيّة. رقصتهم فيها تكامل وتعامل مع ظروف القاصية للدنيا هو مرة يقود ومرة ينقاد, هي مرة تقبل ومرة ترفض الحب قصة متواصلة, حاصلة بالحب جات الناس لها الدنيا. وجسد في أحضان وأريج يبكي ويدادي راس وجع هم فاض من أش يشكي حب وإلا مازال ما حبش؟ هو يمشي للكرسي إلي قعدت عليه هي يحضنها, تدفروا, ادزوا, تنكروا معادش تستعرف بيه بالنسبة ليها كل شيء وفاء مات ماضي وقضاء, صفحة و تطوات حلقة وتكسرت باب و سديناه كأس وفرغناه. وجسد جهامة تحركت فيها الأحاسيس تغاط عليها المنسيات الأسئلة الوجدانية علاش وكيفاش ومن وقتاش. زعمة هو يحب وأش كون إلي حبُّ في حياة الدمياويّة؟ حب سراب جرى وراه حب كلام كي الظلام، ظلام كي الكلام. هو يخرج ويرجع هي ترجع وتتوجع تبكي؟ لا تضحك؟ لا تعقل وتتعقل؟ تخلط في جرت ترجع على أرضية المكان كاينها قالتل ...

جسد

وجه, مخرّب مبلول, مكبّل ممروج, محمّل مهارج السّروج, لجاش في لجام الخيّالْ وخيالُ خيالْ. دمّ أحمر مدردر, قلب أكحل مصدّد, سنيه نازل عليهم مكزز, عروقوا خارجة نواضروا طالعة, صوابعوا معوّجة, صدر معبي مليان, فاض كاس فرّغوا وشرب منّوا الأمرار... جهامة ذكر عينيه زاعزة وجه مصّخ شعر قصير نازل على سنيه عروقات شرتلة... يلهث.